《魚缸博客》話說今日睇到有單新聞咁講:
「一名華府消息人士指出,在中美兩國近年關係緊張影響下,眾多美企已停止向中芯南方
(SMIC South)供貨。有專家指,中芯南方是中芯國際唯一具備為Mate 60
Pro生產7納米芯片能力的工廠。但供應商Entegris每年仍向中芯南方供應數以百萬
美元計的芯片原材料,有關供應安排符合美國法例。」
以事論事,並唔係幫中方說話,生產晶片來來去去最緊要幾樣東西:光刻機、矽、同光刻膠
。光刻機中國未必擁有技術,雖然歐美一直話禁止荷蘭出售,不過中國係禁令生效前一早大量囤
貨;矽中國大把,更加無有怕;光刻膠呢樣東西真係需要靠入口,而目前光刻膠出口大國就係日
本,呢個就係國際政治敏感位置,日本一邊要同中國做生意,一邊又唔可以得罪美國,但目前情
況日本未有出聲話禁止出口,否則佢堆膠放係處,真係變左「硬膠」就賣唔出啦。
就算今日消息一出,中芯(00981)個股價都硬淨過鬼,無他,已經跌無可跌,反而似
係做緊圓底,睇平均線似乎有小小反彈意味。
美國近幾年來似乎積極打壓中國晶片發展,無錯,中國晶片真係進度慢左,但並非完全「無
進步」,迫人入窮巷反而激發起中國人研發能力,以前「兩彈一星」都係咁研發出來,中芯只要
一日有梁孟松係到,真係仲有機會!
《編者按》本欄搜羅即市傳聞,惟消息未經證實,《經濟通》亦不保證內容之準確性。
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情