《開市Good Morning》香江魚缸連跌兩日,今日(22日)反覆低收25點,
收報19195點,成交亦縮至1266億銀,唔通北水對魚缸嘅熱情已到水尾?時機上魚缸又
好似有隱憂!阿爺近期接連出招救內房,好似咩招都已出盡出,若政策真空期間無新嘅利好消息
跟尾,恐怕要等到7月嘅神州三中全會先有新憧憬?若投資者近期未走得切貨,短線已失去逃生
機會?
宣布夥拍高通微軟推出新AI電腦嘅聯想(00992),會唔會受到AI行業減價戰拖累
?孖屐對聯想新產品嘅期望大嗎?績前股價已急彈逾一成二,已充分反映對AI電腦嘅憧憬?最
怕花旗國仲未放棄對聯想嘅打壓同制裁,始終現正值花旗國大選年,聯想受靶係無可避免?
小米(01810)同樣聽日放榜,新能源車SU7因素未咁快反映喺首季業績上?主打嘅
手機業務續推高端化,當中可能會面對咩困難?神州民眾消費降級,係限制小米續推高端化嘅一
大阻力?新能源車同業小鵬(09868)及蔚來(09866)同推第二品牌進攻低價價位,
孖屐細分化又能確保到車企先利嗎?
聽日(23日)《開市Good Morning》搵嚟國農證券董事總經理林家亨,同大
家分析上述股份、大市走勢,當然唔少得當日嘅焦點股!歡迎大家提問投資及其他股票問題。記
得準時8:55am,昅實《經濟通》NewsTV直播節目--《開市Good
Morning》喇!或者click入嚟https:╱╱www﹒youtube﹒com
╱watch?v=IGY-M-f1-c4打個卡先又得!
【慎防受騙】偽冒《經濟通》投資群組頻現,切勿誤信騙徙,如有疑問,請循官方渠道查詢► 了解詳情