《魚缸博客》好耐未見過一隻細價股咁樣價量齊升，今次真係要講下隻象興國際
（０１７３２），短炒其實一流。
公司最近新聞，就係公布預期截至６月３０日止中期溢利將下降不少於７０％。集團指出，
溢利減少主因主動壓縮供應鏈運營業務，以降低此業務應收帳款的可收回風險，導致相關收入和
利潤大幅下降，以及受經濟環境影響，港內服務業務吞吐量下降。
當然啦，壞消息當好消息炒，都常見，關鍵係７月２７日有人大手沽貨，股價曾經跌過五成
，公布消息之後，股價又升返上去。係咪莊家做嘢真係見仁見智，但肯定係出現左係十大升幅度
榜，呢幾日引埋其他散戶大鱷一齊炒炒炒。
今日已經係連升第三日，如無意外聽日可能都會回一回，實行「向下炒」咁款，博客覺得呢
種股係悶市中練下手指同學習下點睇分鐘圖都係唔錯教學，如果有興趣可以考慮下跟個莊家搵食
，不過呢種股當佢牛熊證咁炒就好啦，即日來回，所謂「賺餐茶」囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【etnet 30周年】多重慶祝活動一浪接一浪，好禮連環賞！ ► 即睇詳情
