《魚缸博客》ｉＰｈｏｎｅ １６發布會臨近，消息越出越多，同埋已經有模型機流出，顏
色方面ＰＲＯ版有白色黑色金色灰色；正常１６就有黑白黃粉紅粉藍五隻色，幾本上無咩太大變
化，所以顏色刺激銷量應該唔太可能。
不過關鍵刺激銷量，就係睇下「Ａｐｐｌｅ Ｉｎｔｅｌｌｉｇｅｎｃｅ」有咩新東西，須
知道三星手機個ＡＩ修圖同語音翻譯已經令市場受落，如果蘋果仲係擠牙膏方式出手機，恐怕可
能會變成第二個ＩＮＴＥＬ都唔出奇。
對於呢個「ＡＩ」，大摩分析師稱，ｉＰｈｏｎｅ １６引入Ａｐｐｌｅ
Ｉｎｔｅｌｌｉｇｅｎｃｅ有助於釋放被壓抑的需求，並加速ｉＰｈｏｎｅ的更換周期，目前換
機周期處於歷史高位４﹒８年；令襪可能將在未來３至１２個月內支持蘋果追加ｉＰｈｏｎｅ生
產訂單。而Ｗｅｄｂｕｓｈ目前預計ｉＰｈｏｎｅ １６的初始出貨量將超過９０００萬部，超
過了市場預期的８０００萬至８４００萬部之間，即係有同比兩位數的增長。
另外，研究公司ＩＤＣ表示，價格實惠的安卓設備和蘋果進軍人工智能（ＡＩ）領域可能會
幫助智能手機市場在今年繼續增長；繼第一季度增長１２％和第二季度增長９％之後，２０２４
年智能手機出貨量可能同比增長５﹒８％，達到１２﹒３億部。呢個數字係咪真係做到？博客有
小小保留，因為經濟開始出現下行風險，係咪咁多人捨得換機就拭目以待。
９月１０日凌晨１點就係蘋果秋季發布會，而發布會主題為「高光時刻（Ｉｔ＇ｓ
Ｇｌｏｗｔｉｍｅ）」，如果有興趣可以留意舜宇（０２３８２）、高偉電子（０１４１５）、
瑞聲科技（０２０１８）呢三隻蘋果概念股，如果發布會真係有強勁消息，預計翌日港股有機會
立即炒起。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
