《小傳日記》話說騰訊（００７００）大股東Ｎａｓｐｅｒｓ係１０月１９日調動過倉位，
高盛持倉單日激增９５００萬股，以當天收盤價計算價值約２７７億港元，分析相信係減持前兆
。
如果無記錯，係早幾年前開始，Ｎａｓｐｅｒｓ都進行過減持動作，當時都仲話實牙實齒咁
講「我地短期內都唔減架啦」（希望無記錯）；不過，截至去年６月底，Ｐｒｏｓｕｓ及
Ｎａｓｐｅｒｓ（南非報業集團）宣布，將有序地場內出售所持騰訊股份，所獲資金將支持
Ｐｒｏｓｕｓ及Ｎａｓｐｅｒｓ的股份回購計劃。Ｎａｓｐｅｒｓ其持股比例已降至
２５﹒５９％，與此同時騰訊都進行Ｂｕｙ Ｂａｃｋ動作，騰訊已累計回購金額３５８億港元
。
埋單計數，２００１年Ｎａｓｐｅｒｓ以３３００萬美元收購了騰訊４６﹒５％的股份；
２００４年６月１６日，騰訊正式掛牌上市，當日以４﹒３７５港元開盤；去到２０２１年，騰
訊最高市值計，Ｎａｓｐｅｒｓ呢批股份市值高達２８００億美元，增長８７５０倍，仲犀利過
巴菲特。不過，大家都覺得Ｎａｓｐｅｒｓ純粹屎佛撞棍，因為間公司除左騰訊批股份值錢之外
，都無咩大作為。
唔係騰訊最高峰位出貨，而係選擇而家股市最低迷時間套現，操作上確實真係怪怪地。不過
，騰訊睇得出增長出現轉角位，特別係長期都以遊戲業務為主要收入，其他業務又未做到主要營
收來源，要沽貨都無可口非。
講返騰訊，早幾年係小傳已經講過，ＤＯＴＡ類遊戲已經係收割期尾端，而食雞類遊戲又未
可以做到大將，所以騰訊應該做遊戲重點轉移，又或者吞拚其他遊戲機構，如果早幾年騰訊高峰
市期，如果收購暴雪都仲可以有多十年玩下；不過而家暴雪都成為人地個仔，騰訊係遊戲市場一
哥地位可以做幾耐？我估都捱唔到三幾年囉。
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
樂本健【秋日開倉26 - 27/9】保健品低至$20！► 火速行動
