《小傳日記》新ｉＰｈｏｎｅ仲有一個星期就出爐，不過今次好似都無乜期待，之前好似有
啲新意嘅固態按鍵都取消埋，話因為量產製造會更為複雜，軟體集成問題亦都會更重皮，所以今
年嘅ｉＰｈｏｎｅ １５就暫時無得用住，不過有《彭博》消息就話出年ｉＰｈｏｎｅ １６一
定會有返。
咁今次仲有咩好睇呢？９月１３號蘋果發布完ｉＰｈｏｎｅ １５之後，Ｇｏｏｇｌｅ就會
喺１０月４號緊接發布旗下新機系列Ｐｉｘｅｌ ８。喺自己同最大對手臨出新機之前，
Ｇｏｏｇｌｅ Ｐｉｘｅｌ就喺自己個ＹｏｕＴｕｂｅ ｃｈａｎｎｅｌ出咗條新片。段片就係
ＣＧ動畫，就講到Ｐｉｘｅｌ電話同一部疑似係ｉＰｈｏｎｅ嘅電話，一齊喺各自嘅發布日之前
去歎ｓｐａ。「疑似」ｉＰｈｏｎｅ就感歎，話而家做發布會都愈來愈難，諗起１６年前發布第
一款ｉＰｈｏｎｅ，單單係可以滑動解鎖就已經贏到全場掌聲，而家做咩都好似好容易被人追過
頭咁。
Ｇｏｏｇｌｅ都乘機ｓｅｌｌ吓Ｐｉｘｅｌ有咩功能，仲要由「疑似」ｉＰｈｏｎｅ把口講
出來，話每次自己發布完新功能，都會有其他電話做到啲佢做唔到嘅嘢，包括舊相清晰化、ＡＩ
接聽未知來電同即時翻譯信息等等。不過「疑似」ｉＰｈｏｎｅ就話自己都仲有幾道板斧未出，
不過就暗示畀Ｐｉｘｅｌ知將會用ｔｙｐｅ Ｃ叉電口。但係就被Ｐｉｘｅｌ反問「你終於要開
始用ｔｙｐｅ Ｃ喇？」暗瘀ｉＰｈｏｎｅ到而家先開始跟隊用ｔｙｐｅ Ｃ。
雖然有啲串串貢，不過又不失盞鬼。條片到今日為止出咗６日，就已經有成２８００幾萬
ｖｉｅｗｓ，唔少ｃｏｍｍｅｎｔ都非常讚好Ｐｉｘｅｌ同「疑似」ｉＰｈｏｎｅ嘅互動，仲話
如果有成齣戲都會一家入場支持。唔知蘋果睇完會唔會更加想的起心肝搞好個發布會，又即管睇
吓除咗ｔｙｐｅ Ｃ仲可以有咩驚喜！請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
樂本健【秋日開倉26 - 27/9】保健品低至$20！► 火速行動
