《開市Good Morning》香江魚缸同近期天氣一樣繼續反覆,萬八爭奪戰未見大
突破,反而今朝神州公布三頭馬車數據後市況較令人關注,事關三分項中僅得社會消費品零售勝
預期,固投同工業增加值都係差過預期,黃師傅點樣解讀呢份三頭馬車數據?連帶神州社融都按
年下降、差過市場預期,下半年神州經濟難望樂觀?魚缸竟然喺數據公布後不跌反升!不過個升
勢好快就縮返晒,日內仲曾再度轉跌添!最終收市微跌5點,收報17936點,成交進一步縮
至得963億銀。若魚缸短期內成交續偏低,要改善陰跌勢頭難度高?
神州新能源車企雖受歐盟增加關稅打壓,但有券商睇好今次有危亦有機,指出若神州車企主
動於歐洲設產線,咁就可以繞過關稅,目前上汽、比亞迪(01211)及零跑(09863)
都已公布將於歐設產,對內地新能源車企而言可算係新商機?現時行業情況較第一季有好轉到嗎
?觀察到神州今年第二季上市嘅新車型中,逾九成四都係新能源車款;但唔少車企自身盈利能力
仍未穩健,此時急忙推新車型盼搶市佔,唔怕反而會令財政負擔更重?點樣平衡盈利及市佔增長
進度?
至於阿爺近期力谷嘅內房股,好似有啲捉錯用神。早前提出嘅「收儲策略」,似乎會引致錯
配情況出現!加上近期內房數據都顯示,三四線城市房價同銷量都無明顯好轉,而三四線城市正
正就係囤積庫存嘅集中地,變相阿爺而家「幫錯人」?今年仲係內房「出清年」,年內中資房企
境內外到期債務約5800億人仔,需時幾耐先看到市場氣氛明顯扭轉?
聽日(18日)《開市Good Morning》搵嚟輝立證券董事黃瑋傑,同大家分析
上述股份及大市走勢!歡迎大家提問投資及其他股票問題。記得準時8:55am,昅實《經濟
通》NewsTV直播節目--《開市Good Morning》喇!或者click入嚟
https:╱╱www﹒youtube﹒com╱watch?v=
YIMaW20IjEY打個卡先又得!
【慎防受騙】偽冒《經濟通》投資群組頻現,切勿誤信騙徙,如有疑問,請循官方渠道查詢► 了解詳情