《魚缸博客》呢期內地熱話肯定就係一句「長城〔炮]!」,事源係抖音平台上有個女抖音
主係路邊見到長城汽車(2333)旗下一款卡車叫「長城炮」,所以衝口而出講左句「長城〔
炮]!」,點知呢句〔炮]字紅遍全網,個個洗晒腦,間接令呢架車做左個免費宣傳;之後聽聞
長汽真係送左架「長城炮」俾呢個女抖音主。
長汽呢波公關免費宣傳算係贏到盡,連帶股價都有炒作。不過最大炒作原因都係因為公司業
績,長城汽車公布,根據中國企業會計準則,今年第一季純利為約32﹒28億元(人民幣.下
同),按年升17﹒53倍,每股基本盈利為38分。期內,營業總收入428﹒6億元,按年
上升47﹒6%。
長城炮又咁好宣傳,公司又有靚業績,帶動今日股價抽上,一下爆一成。另外,長城汽車獲
東吳證券買入評級,近一個月長城汽車獲得15份研報關注,研報認為,長城汽車全球化步伐加
速,無圖智駕開城提升產品競爭力,快速進步,而公司魏牌╱坦克╱歐拉等在中東╱東南亞等市
場持續突破,24年海外銷量依然高增。
相信長城汽車短期股價仲會有小小炒作,建議先睇十七蚊先,今日炒高後股價有機會回落,
假如跌穿十二蚊都可以入小小,但今日或者聽日炒上十三蚊就可以考慮下高追一手先啦!
《編者按》本欄搜羅即市傳聞,惟消息未經證實,《經濟通》亦不保證內容之準確性。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇