《小傳日記》今日魚缸單日轉向,都係多得隻理想(02015),出咗份堪比拼多多季績
咁震撼嘅2023全年業績,經調整純利由2022年嘅4100萬人仔升到去121億人仔,
收入過千億去1238億人仔,於是全日係咁升,最多勁飆兩成六,貢獻恒指差唔多80點升幅
,真係升市最大功臣!
而今日另一隻功臣就係中芯(00981),全日最多升一成二,雖然貢獻點數唔夠理想多
,不過都係全日第二佳表現藍籌。今日晶片股普遍爆升,華虹(01347)升7%有多,復旦
(01385)勁飆兩成三,晶門(02878)升9%。自強行情再起,皆因同樣被美國封殺
嘅中興(00763)今日出新手機,喺今日嘅MWC大會(世界移動通信大會)上面,發布咗
公司新一隻摺mon手機nubia Flip,仲要係5G機,所以就令晶片股再次借題發揮
炒起。
其實今部nubia Flip唔可以話係中興最新機,其實之前早就喺日本出過同款機,
日本名就叫Libero Flip,當時定價420銀美金,但係改過名就有新格局,賣貴百
幾銀美金,盛惠599銀美金。
nubia Flip今日MWC上面曝光之後,已經吸引唔少科技行家試新機。有唔少傳
媒試完機之後,都發覺規格大致上同之前喺日本出嘅Libero Flip差唔多,
server用高通S1 Gen 7,最大8GB RAM+256GB。
之前Libero Flip出嘅時候,就被譽為係最平摺機,除開大約3200銀港紙就
可以買到摺mon,但係國際版貴咁多,有科技行家就表明平係Libero╱nubia嘅最
大優點,一貴咗就即刻無咁吸引,其他性能都只係人有我有,未算有好大亮點。
雖然科技達人覺得nubia無乜特別,但係中興可以喺國際場合出到5G機,絕對係振奮
人民感情嘅一刻。早個幾禮拜美國先又再公布打壓中芯,但係如今嘅前打壓主要對中興就繼華為
之後再出5G機,可以話係美國越打就越升,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文
只供參考之用,並不構成要約、招攬或邀請、誘使、任何不論種類或形式之申述或訂立任何建議
及推薦,讀者務請運用個人獨立思考能力自行作出投資決定,如因相關建議招致損失,概與《經
濟通》、編者及作者無關。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票