按盤價 
《開市Ｇｏｏｄ Ｍｏｒｎｉｎｇ》神州７月外貿數據按美元計，出口按年增７巴仙差過預
期的９﹒５巴仙，連續四個月有增長但增幅放緩，進口增速由負轉正，增７﹒２巴仙，好過預期
，反映外需疲弱繼續拖累出口？進口數字增幅意外地好過預期，主要因為憂慮花旗國對華芯片貿
易限制而提前入貨？
亞洲區內股市回升，隔晚花旗國股市亦有反彈，外圍今波震蕩完結未？香江魚缸昨日彈唔起
，恒指連跌四日後，終於跟外圍反彈，半日升逾２００點。恒指最多升逾３４０點，高見
１６９８８點，不過喺萬七樓下止步，最終收市升２３０點，報１６８７７點。大市今個星期受
制於萬七附近，反映資金１７０００點前獲利離場，相關水平阻力大？
國泰航空（００２９３）公布，中期純利３６﹒１３億，按年跌逾一成半，派第一次中期股
息２毫，客運航班已按計劃於第二季恢復至疫情前８成水平，疫情復常後，票價亦逐步正常化，
盈利難寄望有明顯增長？旗下廉航上半年轉虧，航運業競爭大，經營環境面對挑戰？
周四（８日）《開市Ｇｏｏｄ Ｍｏｒｎｉｎｇ》請來國農證券董事總經理林家亨，同大家
分析上述股份、大市走勢，當然唔少得當日嘅焦點股！歡迎大家提問投資及其他股票問題。記得
準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ
Ｍｏｒｎｉｎｇ》喇！或者ｃｌｉｃｋ入嚟 ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｃｊ３ｅＮｊＸｐＡＦｏ打個卡先又得！
【你點睇】港隊參加奧運氣勢如虹，你認為港隊可獲多少獎牌？會點支持港隊運動員？► 立即投票
