按盤價 
《魚缸博客》哇！國家終於出手啦！國資委相關負責人首次，表示將研究把市值管理成效納
入對中央企業負責人的考覈中，之前已經將央企經營指標已納入央企考覈績效評價體系，提高央
企經營效率與安全自然會間接提高央企價值。
即係講緊咩？中信證券分析指，從直接手段來看，未來央企或可通過鼓勵回購、提升現金分
紅比例、加強股權激勵等方式進一步加強市值優化管理。即係話所有「中」字頭股份都有機會獲
國家隊回購。
今日「中」字頭升得最明顯，就係隻中鋁國際（０２０６８），升成四成幾就真係太誇張，
無辦法，班國企真係日日都頭ＤｕｐＤｕｐ咁，係魚缸悶左年幾兩年，股價一沉百踩，而家先話
有返小小起色。另外中煤（０１８９８）、遠洋集團（０３３７７）都有小小炒作。
究竟國家隊出手係咪就知有沒有呢？咁就真係拭目以待啦。不過話返兩頭，外資會唔會過來
抄底都係一個疑問，皆因中美問題都未完全解決，加上特朗普而家又話出來競選，中美關係又可
能再度邊差。就算有國家隊出手，但都只係塘水滾返塘魚都作用不大，恒指而家先叫做升返
１０００點，係咪可以維持升勢，真係要等過年之後先可以作準啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
