《魚缸博客》兩場發布會結局唔一樣，都怪美圖老細太老實？

　　《魚缸博客》蘋果周四高收０﹒６％至２１４﹒２４美元，市值達３﹒２８５萬億美元，超
越微軟市值３﹒２８２萬億美元，為今年１月下旬以來重奪美國公司市值最高寶座。蘋果周一
（１１日）喺全球開發者大會上，公布ｉＰｈｏｎｅ等新產品即將加入人工智能功能，市場預料
將會激發起消費者更換新一代智能ｉＰｈｏｎｅ嘅欲望。因此，蘋果股價喺過去三個交易日累積
升近１１％，成為今次重奪市值第一嘅關鍵。
　　講起蘋果，不得不讚佢哋營銷手法。話說蘋果喺全球開發者大會（ＷＷＤＣ）上，除咗一如
既往硬銷升級版智能手機功能，什麼ｉＯＳ　１８、ｉＰａｄＯＳ　１８、ｍａｃＯＳ　１５等
之外，仲成功將市場焦點轉移咗去「ＡＩ」呢個字眼度。眾所周知，ＡＩ係
Ａｒｔｉｆｉｃｉａｌ　Ｉｎｔｅｌｌｉｇｅｎｃｅ（人工智能）嘅縮寫。但今次就被蘋果重新
演繹，變成Ａｐｐｌｅ　Ｉｎｔｅｌｌｉｇｅｎｃｅ（蘋果智能）。Ａｐｐｌｅ　
Ｉｎｔｅｌｌｉｇｅｎｃｅ　呢個詞一出，立即引起市場熱話，從此蘋果將與ＡＩ掛勾。喺呢個
ＡＩ世代，任何產品可以同ＡＩ搭上關係，就容易被塑造成時代嘅領導者，容易引起消費者嘅關
注。其他唔講，博客以後睇到「ＡＩ」，相信好難唔諗起Ａｐｐｌｅ　
Ｉｎｔｅｌｌｉｇｅｎｃｅ（蘋果智能）！
　　今個星期，除咗有蘋果嘅全球開發者大會，同樣有美圖公司（０１３５７）嘅第三屆「美圖
影像節」。美圖公司喺影像節度發布咗６款ＡＩ產品，其中站酷設計服務、奇覓、ＭＯＫＩ係全
新產品，進一步擴充「ＡＩ全家桶」。其中ＭＯＫＩ唔做常規嘅文生視頻，主要聚焦ＡＩ短片創
作，輔助創作者打造動畫短片、網文短劇、故事繪本和ＭＶ。
　　自Ｏｐｅｎ　ＡＩ文生視訊模型Ｓｏｒａ發布後，ＡＩ影片領域逐漸向高時長影片生成發展
。但美圖創辦人、主席兼執行總裁吳欣鴻指，短期去追Ｓｏｒａ技術能力同生成效果存在一定挑
戰。因此，集團唔會喺模型側「硬碰硬」，而會將競爭拉到集團擅長嘅應用側，快速提供一站式
嘅內容創作解決方案，呢方面好多巨頭或大模型公司目前仲未進入或暫時唔係咁擅長嘅領域。
　　結果，美圖股價連續兩日大跌，兩日合共跌了１８﹒５％。同樣係一場發布會，結局卻南轅
北轍，一個股價連升，一個股價連挫。除咗企業本身發展能力唔同之外，市場營銷手法同樣重要
。一個識得凸顯自己長處，甚至將自己包裝成為ＡＩ代名詞，搶盡風頭。另一個卻好似食咗誠實
豆沙包一樣，話追求Ｓｏｒａ技術能力存在挑戰，即係話俾人知自己唔得。其實，一家企業發展
自己強項，放棄自己弱項無可厚非。但講到唔想「硬碰硬」，難免被投資者解讀為技不如人嘅感
覺。此外，有啲產品名字例如「站酷」「全家桶」，呢啲叫法或者有其歷史原因，但始終脫唔到
「土」味。如果管理層肯落多時間精神，重新包裝，重新演繹，結局或者會唔一樣。
　　美圖股價連跌兩日後，今日略有反彈，但現時市況未穩，有興趣嘅投資者可以先觀望一下再
決定未遲。（ｖｓ）
　
《編者按》本欄搜羅即市傳聞，惟消息未經證實，《經濟通》亦不保證內容之準確性。