《開市Good Morning》香江魚缸在短短三個交易日升咗801點,今日回少少
都好合理。指數高開後曾升近200點,再創逾9個月高位,高見19300點水平。不過假期
前夕明顯見到有缸邊友先行食糊,最終魚缸倒跌41點收市。雖然魚缸收市企到19000點,
但近乎全日最低位收市之餘,睇到9天RSI開始回落,之後仲有幾強向上動力。有大行就話樂
觀情況下個市可以上到22000點,但同時強調今次升市只係資金市,基本面無太大的改善?
一有風吹草動,魚缸隨時回頭?
香江業績期展開,龍頭科企騰訊(00700)及阿里巴巴(09988)率先於收市後派
成績表,兩隻股份業績將有改善,但市場已經預料唔會有驚喜,績前短線累積升幅咁大,業績後
未必再有動力推升股價,反而市場對其業績稍有不滿,就可能成為大市調整藉口?業績方面有咩
需要注意?
至於花旗國又出招,打算將神州進口電動車關稅加徵至超過1倍!但其實依家花旗國根本買
不到神州製電動車,今次出招象徵意義大過實際意義?相信對新能源汽車股影響唔大?
後日(16日)《開市Good Morning》搵嚟國農證券董事總經理林家亨,同大
家分析上述股份、大市走勢,當然唔少得當日嘅焦點股!歡迎大家提問投資及其他股票問題。記
得準時8:55am,昅實《經濟通》NewsTV直播節目--《開市Good
Morning》喇!或者click入嚟https:╱╱www﹒youtube﹒com
╱watch?v=gGTzhq9y6rM 打個卡先又得!
WoW WoW星期三:健康網購產品低至半價!(只限今天)► 火速行動