按盤價 
《小傳日記》魚缸十連升告終，今日終於要跌近百點收場。但炒股唔炒市，跌市之下仍然有
板塊炒起，一眾蘋果概念股今日全線拉升。
一大原因就係今日，蘋果將會舉行今年第一場發布會，主題係「Ｌｅｔ Ｌｏｏｓｅ」，據
講今次發布會唔太長，只係得半個鐘多啲，但邀請函上面幅插圖就就以大大支Ａｐｐｌｅ
Ｐｅｎｃｉｌ作為主角，配以畫出彩色作為背景，如果以中文形容正正就係「妙筆生花」，相信
今次Ａｐｐｌｅ Ｐｅｎｃｉｌ就係發布會重點。加上「ｌｏｏｓｅ」既有隨意嘅意思，亦有「
鬆開」咁解，可能今次支新Ａｐｐｌｅ Ｐｅｎｃｉｌ將會有更加自由嘅用法。
雖然預計Ａｐｐｌｅ Ｐｅｎｃｉｌ係主角，但蘋概股有勢就炒，做鏡頭嘅舜宇
（０２３８２）又升，做喇叭嘅瑞聲（０２０１８）又升。不過除咗如箭在弘嘅新Ａｐｐｌｅ
Ｐｅｎｃｉｌ消息，今日仲有另一單蘋果消息更加值得留意。《華爾街日報》報道，蘋果正係自
行研發ＡＩ晶片，而呢批ＡＩ晶片會喺目前ｉＰｈｏｎｅ、Ｍａｃ機所用到嘅自研晶片嘅基礎研
發。據報呢個「秘密任務」行動代號為「ＡＣＤＣ」，即係「Ａｐｐｌｅ Ｃｈｉｐｓ ｉｎ
Ｄａｔａ Ｃｅｎｔｅｒ」，有埋代號就好似幾真，不過蘋果方面就無回應。
蘋果今年初宣布放棄造車呢趟渾水，慳一大筆如果話攞去開發ＡＩ晶片就唔出奇，畢竟科技
巨頭去做返科技嘢，總比踩出界造車好得多，吃力兼不討好，反而ＡＩ係大勢所趨，而且前景有
更加多可能性，開發ＡＩ晶片比開發新車著數得多。據講今次蘋果「ＡＣＤＣ」所開發嘅晶片唔
係支援訓練ＡＩ模型嘅晶片，而只係運行ＡＩ模型嘅晶片，所以有意見認為將唔會同
Ｎｖｉｄｉａ爭生意。
目前好似ＣｈａｔＧＰＴ嘅生成式ＡＩ模型都已經非常多，單係神州已經有百度
（０９８８８）文心一言同商湯（０００２０）日日新，與其再同人爭，不如做一套晶片係可以
更好咁套用呢批ＡＩ大模型，因ＡＩ大模型講究時間學習，造訓練模型晶片先再開發ＡＩ，已經
會比人遲，而家咁就爭少份，調轉頭畀人爭著Ｓｅｌｌ，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
WoW WoW星期三：健康網購產品低至54折 (只限今天)► 火速行動
