《開市Good Morning》香江魚缸雖反彈,但力水欠奉!日內明明升過319點
,高位15805點,但收市升幅縮到得返81點,仍無力收復萬六關,成交無睇頭仍未及千億
銀門檻。究竟係死兔彈嘅開始、定係又會跌穿萬五迎接龍年?比起魚缸,神州孖屐好似隱憂大啲
。繼上月中「雪球」爆炸,神州再有爆雷事件傳出。事件涉及「資金盤」,量化私募捲走30億
銀人仔。資金盤會喺神州爆煲?資金盤爆煲前有咩徵兆可留意?
據外電引述消息人士指,阿里巴巴(09988)考慮賣走喺神州有逾百間百貨明門店嘅銀
泰商業,並已同幾間公司接觸,評估佢哋對收購銀泰商業嘅興趣。傳聞無傳出定價係點,但若成
功出售,預計阿里會係賺、定係蝕住甩手?對集團而言,失去實體成個百貨網絡似乎係弊大於利
?預視未來有更多周邊業務被出售,去支撐重點雲業務發展嘅風險有幾大?若資源傾斜喺雲業務
發展,對集團發展方針會否有影響?阿里下周三(7日)就放榜,溫總又點睇?
蓮花城1月賭收按年有六成七增長,但按月計就升幅收窄至4巴仙多啲,點解增長動力欠奉
?明明入境人數已逐步恢復,旺丁不旺財主因係乜?賭股當中以美高梅(02282)上年恢復
進度最理想,除咗可按年扭虧為盈,仲較疫情前2019年有近三成盈利增長,係同業中唯一跑
贏2019年表現嘅賭企,認真叻仔!但今年要維持高增長,又面對緊咩困難?
聽日(2日)《開市Good Morning》搵嚟iFAST Global
Markets副總裁溫鋼城,同大家分析上述股份、大市走勢,當然唔少得分析其他焦點股份
!歡迎大家提問投資及其他股票問題。記得準時8:55am,昅實《經濟通》NewsTV直
播節目--《開市Good Morning》喇!或者click入嚟https:╱╱
www﹒youtube﹒com╱watch?v=toEwEeCqom8打個卡先又得!
【你點睇】國家隊奧運健兒訪港,有市民指難以購票感到遺憾► 立即投票