《魚缸博客》停牌兩個幾月後,萬咖壹聯(01762)終於公布到業績,截至去年12月
31日止年度純利約1549萬元人民幣,2022年度虧損約1﹒3億元人民幣,每股盈利1
分,不派末期股息。
其實好多人都唔太知萬咖壹聯係做錦乜,所以令到公司市值被嚴重低估,簡單來講就係透過
你手機,知道你去過邊食過乜、上網睇過乜之類嘅數據,再根據呢類數據針對性咁向你派發廣告
。
好多大公司其實都有自己做呢類服務,好似Facebook、Google咁,會收集你
睇過乜,或者你同朋友傾過咩話題,部手機靜雞雞咁收集呢對聲音做分析,你一開手機就會有類
似廣告;但對於一啲細公司╱細軟件,想做好呢類廣告就唯有外盼俾人做。
作為一間科技公司,市值得唔夠三億,確實被低估;話返兩頭,呢類行業太過偏門又太過專
業,股佬睇唔明你做乜、股民唔知道你做咩,所以先無人炒;不過由虧損億幾到今日倒賺千幾萬
,呢個過程睇得出公司已經度過難過,今年手機軟件行業都迎來革新,特別係AI置入手機,對
於廣告行業來講可能係第二個風口。
而家股份得兩毫都唔夠,預計短期內仍有上望空間,炒上兩三毫唔係無可能,如果有興趣落
場可以玩下即日鮮!
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票