《開市Ｇｏｏｄ　Ｍｏｒｎｉｎｇ》溫傑周一講大市、虛幣股、車股

　　《開市Ｇｏｏｄ　Ｍｏｒｎｉｎｇ》香江魚缸唔讚得，上日（１１日）迎來今年首升後，今
日又重演先高後低跌住收！日內波幅都係得二百零點，最終收跌５７點，收報１６２４４點；成
交都無睇得、連７００億銀都唔夠！最弊就係十天線已跌穿廿天線、現死亡交叉，魚缸下周要重
拾升幅難上加難？下周仲要睇實神州公布上年第四季ＧＤＰ、１２月零售、工業等數據，一個唔
小心，可能再度質低灸缸！業內人士分析指，神州經濟有望於第二季始恢復正數，外圍仲有花旗
國減息嘅不確定性，呢個預期會唔會過分樂觀？
　　轉睇比特幣相關股，喺１１隻比特幣現貨ＥＴＦ琴日正式開始交易後，資金紛紛轉追現貨
ＥＴＦ、爭住甩手比特幣相關個股。美圖公司（０１３５７）最拖累日受最多跌近一成六，低見
２個９；好彩低位有承接，最終收跌一成二。孖屐熱議今年係比特幣減半年，唔少投資者都吼機
想儲貨、捕捉呢輪「可預視嘅牛市」；趁而家相關股份大插又係咪入貨好機會？同比特幣現貨
ＥＴＦ相比，邊類產品嘅投資價值較高？
　　睇埋又爆出減價嘅新能源車股。龍頭Ｔｅｓｌａ在神州新車減至唔使廿五萬人仔，仲平過喺
香江買！究竟係當香江市場係水魚、定係純屬針對神州ＥＶ孖屐購買力轉弱而訂嘅銷售手法？跟
唔上減價戰，學下升級配備又可唔可行？除咗減價同升級，「出海」同「跨界」又係咪殺出新血
路嘅秘方？
　　下星期一（１５日）《開市Ｇｏｏｄ　Ｍｏｒｎｉｎｇ》搵嚟凱基亞洲投資策略部主管溫傑
，同大家分析上述股份、大市走勢，當然唔少得當日嘅焦點股啦！歡迎大家提問投資及其他股票
問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　
Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ
╱ｗａｔｃｈ？ｖ＝ＣｙｈＯＦＣＰＬＩ８Ｉ打個卡先又得！