RSS訂閱 《笑傲缸湖》早幾年香江經濟風光，所以政府水浸派下錢，個個都幻想緊政府派一萬可以點
用好，唔係出新手機就打算返鄉下行轉，講緊個鄉下梗係日本啦。而花旗國１月已經派過６００
美金畀市民應急，之後拜登又有計劃派多１４００美金，啲錢竟然唔係去買日常嘢，而係拎去炒
股咁得意？
有花旗傳媒報道，最近有唔少散戶，開始入市仙股（Ｐｅｎｎｙ Ｓｔｏｃｋｓ）、期權同
埋虛擬貨幣，從花旗個「恐慌╱狂熱指數」嚟睇，好友信心個已經接近狂熱狀態。而且數據顯示
，期權「睇好」嘅買入成交量已經係１月１４日創歷史新高，連一啲唔關事嘅賭博股都升到唔見
頂，真係太跨張啦！
而點解呢次炒得咁熱呢？有分析認為，由於呢次派錢後，有唔少後生仔拎入呢筆錢直接存入
一啲聲稱「零佣低手續費」嘅網絡券商，而呢班後生仔就專炒期權、Ｂｉｔｃｏｉｎ或者高槓桿
產品，令市場投機情況顯著，所以喺２０２０年１２月至今年１月前１０個交易日，睇得出股票
交易量多出三成，而且年收入低過７﹒５萬美金嘅人都高出五成三。
其實有花旗國工作嘅金融圈後生仔表示，由於佢哋仍有一定工作能力同存款，６００蚊對於
佢地嚟講到喉唔到肺，如果拎嚟買波鞋不如拎去炒股，特別係呢期電動汽車股咁瘋狂，如果特斯
拉回到低位都考慮下買返小小咁話。
咁又係啊，６００蚊美金，即係５０００蚊港紙左右，買對高級版Ｊｏｒｄｏｎ或者Ｙｅｅ
ｚｙ就好似差小小，拎嚟出去食飯又好似風險好大。筆錢真係放係銀行都怕佢蝕本，唔怪得呢期
Ｂｉｔｃｏｉｎ日日破頂啦！你睇，佢又升啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
