《笑傲缸湖》「女憑父貴」，做侵侵個女成世唔閉翳！

　　《笑傲缸湖》今日花旗總統侵侵喺星洲同金仔見面，進行世紀握手。不過侵侵喺外地做公事
，國內就有人起訴佢，指佢從國外獲得金錢收益。其實侵侵做房產起家，身家真係好豐厚，盈盈
就不知幾想做佢個女，含住鑽石匙出世，幾幸福呀！
　　據探子回報，侵侵個女伊萬卡（Ｉｖａｎｋａ　Ｔｒｕｍｐ）最近公開嘅申報文件顯示，去
年佢有份擔任職務嘅公司方面，就已經獲得超過１２００萬美金收入，當中，單係從位於華盛頓
嘅「侵侵國際酒店」就已經佔咗３９０萬美金，另外有２００萬美金嘅收入都係同侵侵嘅機構有
關。至於侵侵女婿賈里德（Ｊａｒｅｄ　Ｋｕｓｈｎｅｒ）上年亦從自己家族嘅房產帝國中，獲
得６９００萬美金收入，真係羨慕死盈盈啦！
　　雖然二人已經辭去相關公司嘅職務，但係從信託等途徑，二人都可以繼續獲得收入。而探子
仲發現，伊萬卡寫過一本書《Ｗｏｍｅｎ　Ｗｈｏ　Ｗｏｒｋ》，單係從呢本書，伊萬卡就預先
收取咗２９萬美金嘅收益。Ｓｅｅ？人出名，寫本書都好搵到錢！
　　申報表上顯示，伊萬卡參與嘅公司接近３００間，而佢老公參與嘅公司數目就有２６２間，
認真誇張吧！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。