《魚缸博客》內地放寬港商投資內地電影，英皇文化產業炒高成倍！

　　想當年2003年香港同內地簽訂「CEPA」（內地與港澳關於建立更緊密經貿關係的安排），香港立即龍精虎猛；今日香港又再同內地就CEPA內容簽訂修改，唔通又想玩返舊招？
　　值得關注係，修訂內容包括，在電影方面，取消香港服務提供者不得投資內地電影製作的限制；以及允許香港服務提供者經內地主管部門批准設立的發行公司，經營以買斷形式引進的香港影片的發行業務。在電視方面，則取消香港人士參與網絡電視劇作主創人員的數量限制；以及允許香港製作的引進劇經國家廣播電視總局批准後在內地廣播電視台的黃金時段播出。
　　呢鋪香港影視製作者就可以發威囉！所以見到英皇文化產業（00491）今日炒高成倍咁，須知道，呢期英皇娛樂咁多大作品咁收得，好似【金手指】咁，叫好又叫座；而英皇本身同內地多間電視台關係良好，你見容祖兒、TWINS、謝霆鋒成日都係內地綜藝出現，就知道佢地本身就係近水樓台先得月。
　　至於公司會唔會收入大增呢？博客未有數據，唔敢評論，不過呢隻股應該會借勢炒多輪，最起碼，博客覺得好大機會升返上一毫子！但建議可以等佢回一回現再入手，大家亦都可以留意近期國家有咩影視政策，或者都係股價攀升催化劑。

《編者按》本欄搜羅即市傳聞，惟消息未經證實，《經濟通》亦不保證內容之準確性。