RSS訂閱 又到8月，大家係咪開始預備想換手機呢？三星早幾個月前推出「AI手機」，增添好多翻譯、圖片編輯功能，看似都幾受歡迎。
另一邊廂，聽聞蘋果手機都開始加入AI功能，不過呢幾年蘋果手機都係「擠牙膏」方式出手機，用戶賣唔賣帳真係未知之數，但獨特生態圈同用戶黏貼性，令到唔少人都繼續為佢埋單（包括博客自己本都係）。無他，其實真係用開用慣，由十幾年前擁有自己第一步iPhone 4開始，已經習慣左IOS，呢刻要我轉返安桌都真係幾唔慣。雖然股神呢期開始清倉蘋果股票，咁究竟係股神覺得呢間公司到盡頭，定係純粹市場因素而避險呢？可以繼續觀望下。
不過，呢幾日就有好多iPhone 16嘅資料，例如引入多項由大型語言模型（LLM）驅動的新 Siri 功能，其中部分生成式AI功能可能僅限於iPhone 16機型使用，而且新增玫瑰色、4800萬像素相機，更有傳40W有線快速充電，相信都係用家換機理由。
大家可以留意下，蘋果手機通常都係「雙數」代比較好賣，例如4、6、10呢三代都係果迷覺得巔峰之作，唔知呢代16會唔會有驚喜呢？
就咁睇，其實唔少手機股都開始有鑊氣，好似隻舜宇光學(02318）咁，呢兩日都開始有資金流入，見到RSI14都開始轉勢，如果想炒呢次手機熱潮，呢兩日買貨就差唔多，到公布日前放晒就穩陣。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】哈馬斯領袖被暗殺伊朗稱必須懲罰以色列，你認為中東局勢會否升級？► 立即投票
