RSS訂閱 魚缸嚟到8月，又到咗業績高峰期，撞著外圍股市動盪，未來呢幾個禮拜都可能風高浪急一啲。傳統智慧又嚟，股市波動就梗係揀高息股，博客今日就睇中隻潤電(00836)。
電力股作為中特估之一，普遍息率都唔會太低，不過要留意並唔係隻隻電力股都會派中期息，而潤電就係會派中期息嘅一隻。睇返過往潤電派息都相當穩定，一個財年派兩次，就算有中特估概念之前，都獲唔少好息之徒追捧。
之前潤電就公布，提到6月附屬電廠售電量達到1685.39萬兆瓦時，按年多咗8.5%；其中附屬風電場售電量達309.11萬瓦時，比上年同期增加14.1%；附屬光伏電站售電量達到66.43萬兆瓦時，比上年同期大增1.88倍。所以可以預期，今次份中期業績都會有所增長。
以走勢嚟睇，潤電前兩個交易日落到21銀下方都開始搵到支持，計一計其實就係上年10月低位約12.91銀，去到今年7月高位25.45銀，以黃金比例0.382倍計算嘅反彈位置，今朝反彈3%有多都可以確立支持，現價不妨入手博收息，試試再挑戰25銀位，未跌穿19銀都仲揸得過！
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》【驚恐症來襲】無預警發作...患者親身講述得病經歷及康復過程！必要時自己做一件事可幫到手！► 即睇
