RSS訂閱 百勝中國(09987)剛出業績，集團公布，截至6月30日止第二季度未經審核業績，錄得淨利潤達2.12億美元，較去年同期增加8%，每股盈利0.55美元，增加17%。總收入同比則增長1%至26.8億美元，經營利潤升4%達2.66億美元。公司每股派息0.16美元。
業績係咪算好？不過不失啦，但遇到中國經濟轉型，中國人開始「降級消費」，會尋找一啲性價比高嘅餐廳，沙縣小吃食得多你都悶啦？好似百勝中國咁，就剛剛好迎接呢個經濟轉型嘅風口啦！
博客記得，早幾個月內地Pizza Hut開始搞「放題」，好多網紅都走去拍拍片打打卡，證明呢啲外國餐廳落地中國之後，好似玩Gimmick同在地化；近期內地KFC都玩優惠，13件雞上網團購59蚊人仔，大家搶到癡曬線咁。
值得關注係，肯德基旗下咖啡品牌肯悅肩並肩咖啡今年以來迅速擴張，從3月份的100家門店已經翻3倍，至7月份接近300家門店。預計至本年底，肯悅肩並肩咖啡的門店總數將達500至600家，呢個可能亦都會係公司收入增長嘅其中一個因素，內地咖啡市場而家都算係新興熱門，大家見到瑞幸咁好成績都想分一杯羹。
如果有興趣睇好，可以試下買小小玩下，目前股價第一道頸線可能係285蚊，距離現價都仲有三十蚊距離，水位充足啊！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】哈馬斯領袖被暗殺伊朗稱必須懲罰以色列，你認為中東局勢會否升級？► 立即投票
