RSS訂閱 正所謂「事出必有因，馬後炮先會睇得真」，今日隻梅斯健康（02415）突然炒高五成，博客返睇係咪有咩特別新聞，近期只係搵到兩單：
1.7月22日公布，梅斯健康與威高集團達成戰略合作，雙方將通過媒體合作推廣、園區招商推介、以及產業共享交流戰略服務聯盟、市場加速服務戰略聯盟、科研創新聯盟和金融服務創新聯盟等合作，推廣威高園區及威高集團產品的影響力。2.7月17日公布，執行董事兼聯席首席執行官樊傑不再擔任聯席首席執行官、執行董事王帥已獲委任為聯席首席執行官，以及程亮已獲委任為首席運營官，均自昨天起生效。
兩單係咪令股價炒起原因？博客又好似睇唔出，因為日子過左咁耐，應該就唔關事，不過有趣，今日北水同散戶輪流落場，其中滬港通佔上午成交額三成，深港通就一成六，但又唔係大掃貨，而係換手順便出下貨，暫時都係睇到北水有淨流出情況。
不過呢隻股已經沉寂左成年，呢一年都係慢慢低成交陰跌，由5蚊跌到1蚊，而家有水流入，段估都唔會炒一日咁少，如果有興趣想搭順風，可以落場完即日鮮，暫時睇如果想炒高，阻力位第一關可能3蚊，第二關就係5蚊，有多餘錢小小玩下可能都唔錯啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
夏日中暑高風險！即睇中暑迷思＋預防措施！► 立即了解
