《開市Ｇｏｏｄ Ｍｏｒｎｉｎｇ》美債孳息曲線倒掛陰霾未散，隔晚（２５日）美股三大
指數個別發展，淨喺得道指回升１４點，而港股今日（２６日）則輕微收高４３點惟形成「陰燭
」，後市走勢都仲未樂觀。
聯儲局前主席耶倫唔認同花旗國３個月期同１０年期債息倒掛，代表經濟衰退好快出現，但
就認為，喺某個時候，聯儲局需要減息。究竟今次呢個大約１２年後再出現嘅債息倒掛組合，有
無預示當地經濟即將步入衰退？
既然「前一姐」都咁講，「孖屐」當然都有聲音「Ｓａｙ Ｎｏ！」啦！佢哋話要睇第二個
組合－－２年期同１０年期喎！呢兩個年期嘅債息暫時未見倒掛，仲差緊逾１０點子。不過，睇
返啲數據，呢個組合更加犀利，若果出現倒掛嘅話，股市就會喺短期內見頂，而且會出現大跌市
添！呢個殺傷力咁重嘅倒掛組合，會唔會出現呢？最快又會幾時同大家「見面」？出現咗嘅話，
幾耐先至會見到經濟衰退？個準確性又高唔高？
睇返港股呢邊，業績期都就嚟完，而大市好似無咩利好因素支撐，持貨者嘅缸友喺咪應該至
少減磅揸返多啲茄殊？定還是有啲股份仲可追？
聽日（２７日）「開市Ｇｏｏｄ Ｍｏｒｎｉｎｇ」，請嚟國農證券董事總經理林家亨，同
大家詳細分析美債孳息曲線倒掛同經濟衰退以及股市嘅關係，亦會講埋恆地（０００１２）、聽
日放榜嘅東風（００４８９）同今日炒高逾４巴仙嘅北汽（０１９５８）嘅股價走勢，請大家萬
勿錯過！
記住聽日８：５５ａｍ，準時ｃｌｉｃｋ入ｗｗｗ﹒ｅｔｎｅｔ﹒ｃｏｍ﹒ｈｋ或
ｈｔｔｐ：╱╱ｆｂ﹒ｍｅ╱ｅｔｎｅｔ﹒ｃｏｍ﹒ｈｋ，昅實《經濟通》ＮｅｗｓＴＶ全新直
播節目－－開市Ｇｏｏｄ Ｍｏｒｎｉｎｇ喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》關於「沉迷成癮」：點預防同戒甩鋪癮？最重要改變一樣嘢！追星都算成癮？► 即睇
