《魚缸博客》話說早幾日「周杰倫概念股」巨星傳奇（０６６８３）急跌七成幾，公司出來
解畫，表示控股股東股權無變動，因此唔知發生乜事。雖則話大股東無被人斬倉，但股價由１０
蚊跌落去兩個幾，伴隨成交量激增，大家都心照啦。
話返轉頭，雖然呢間上市公司係「周杰倫」概念股，但本身呢間公司周杰倫係未有直接持有
持股，而公司本身主要係由周杰倫母親葉惠美、經紀人楊峻榮、前魔傑電競ＣＥＯ馬心婷、周杰
倫經紀公司執行高管陳中共同創立。
睇返公司主要業務，分開兩Ｐａｒｔ，一部分係賣咖啡粉、食品等，另一部分就係負責藝人
、媒體創作、ＩＰ管理。雖然兩個業務係唔太相關，但有「周杰倫」加持，或者食品個部分會好
賣少少？
之前有新聞賣過，周杰倫粉絲會一人一股撐起公司，係咪真係會有行動？博客就保留啦，不
過確實有北水流入公司股份。而博客都覺得，如果公司有做食品買賣，同時又有周杰倫加持，呢
個股價確實係十分低水，有興趣可以玩兩手都ＯＫ，前提係唔好再有人係街散貨囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【etnet 30周年】多重慶祝活動一浪接一浪，好禮連環賞！ ► 即睇詳情
