《魚缸博客》最近遊戲股有小小鑊氣,見大家不停炒隻心動公司(02400),搵到原因
係最近佢隻旗下遊戲《心動小鎮》係7月17日開始公測;7月15日《心動小鎮》全平台預約
量已超300萬;7月16日《心動小鎮》開啟公測預下載,排名App Store免費榜第
1以及TapTap 熱門榜第1。
博客本住好奇精神,上網睇睇隻《心動小鎮》有咩咁犀利,可以成為股價催化劑。一睇,喂
!呢隻咪就係五六年前,係任記旗下大Heat個隻《動森》?基本上玩法都係大同小異,有任
務要你跟住起屋、做家私,然後慢慢同其他玩家互動;唔同嘅係,《動森》係第三身視覺,呢隻
《心動》係1﹒5身視覺,投入感可能好好多。
呢隻遊戲好唔好玩就真係見仁見智,但遊戲+社交融合嘅設計,過往都係遊戲界有唔錯口碑
,例如電腦遊戲《魔獸世界》就係例子。呢次《心動》主打手機遊戲市場,好明顯係針對女性市
場,而手機遊戲上針對女性開發嘅遊戲本身又少之又少,呢次可唔可以打出個藍海,關鍵就係呢
隻遊戲點樣變現,例如賣皮膚咁,整好可愛嘅皮膚等女性用戶課金,可能比男性用戶更瘋狂!
詳細股價走向,博客依然覺得目前仍算低位,如果下載人數不停上升,股價亦會有上升潛力
,不過風險就係,呢種《動森》式遊戲風格仲有無熱潮?可以先觀察下啦!
《編者按》本欄搜羅即市傳聞,惟消息未經證實,《經濟通》亦不保證內容之準確性。
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇