iPhone 16發布會臨近,消息越出越多,同埋已經有模型機流出,顏色方面PRO版有白色黑色金色灰色;正常16就有黑白黃粉紅粉藍五隻色,幾本上無咩太大變化,所以顏色刺激銷量應該唔太可能。
不過關鍵刺激銷量,就係睇下「Apple Intelligence」有咩新東西,須知道三星手機個AI修圖同語音翻譯已經令市場受落,如果蘋果仲係擠牙膏方式出手機,恐怕可能會變成第二個INTEL都唔出奇。
對於呢個「AI」,大摩分析師稱,iPhone 16引入Apple Intelligence有助於釋放被壓抑的需求,並加速iPhone的更換周期,目前換機周期處於歷史高位4.8年;令襪可能將在未來3至12個月內支持蘋果追加iPhone生產訂單。而Wedbush目前預計iPhone 16的初始出貨量將超過9000萬部,超過了市場預期的8000萬至8400萬部之間,即係有同比兩位數的增長。
另外,研究公司IDC表示,價格實惠的安卓設備和蘋果進軍人工智能領域可能會幫助智能手機市場在今年繼續增長;繼第一季度增長12%和第二季度增長9%之後,2024年智能手機出貨量可能同比增長5.8%,達到12.3億部。呢個數字係咪真係做到?博客有小小保留,因為經濟開始出現下行風險,係咪咁多人捨得換機就拭目以待。
9月10日凌晨1點就係蘋果秋季發布會,而發布會主題為「高光時刻(It's Glowtime)」,如果有興趣可以留意舜宇(02382)、高偉電子(01415)、瑞聲科技(02018)呢三隻蘋果概念股,如果發布會真係有強勁消息,預計翌日港股有機會立即炒起。
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】國家隊奧運健兒訪港,有市民指難以購票感到遺憾► 立即投票