按盤價 
《魚缸博客》魚缸嚟到８月，又到咗業績高峰期，撞著外圍股市動盪，未來呢幾個禮拜都可
能風高浪急一啲。傳統智慧又嚟，股市波動就梗係揀高息股，博客今日就睇中隻潤電
（００８３６）。
電力股作為中特估之一，普遍息率都唔會太低，不過要留意並唔係隻隻電力股都會派中期息
，而潤電就係會派中期息嘅一隻。睇返過往潤電派息都相當穩定，一個財年派兩次，就算有中特
估概念之前，都獲唔少好息之徒追捧。
之前潤電就公布，提到６月附屬電廠售電量達到１６８５﹒３９萬兆瓦時，按年多咗
８﹒５％；其中附屬風電場售電量達３０９﹒１１萬瓦時，比上年同期增加１４﹒１％；附屬光
伏電站售電量達到６６﹒４３萬兆瓦時，比上年同期大增１﹒８８倍。所以可以預期，今次份中
期業績都會有所增長。
以走勢嚟睇，潤電前兩個交易日落到２１銀下方都開始搵到支持，計一計其實就係上年１０
月低位約１２﹒９１銀，去到今年７月高位２５﹒４５銀，以黃金比例０﹒３８２倍計算嘅反彈
位置，今朝反彈３％有多都可以確立支持，現價不妨入手博收息，試試再挑戰２５銀位，未跌穿
１９銀都仲揸得過！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】哈馬斯領袖被暗殺伊朗稱必須懲罰以色列，你認為中東局勢會否升級？► 立即投票
