《開市Ｇｏｏｄ　Ｍｏｒｎｉｎｇ》溫鋼城明講大市、周大福、領展

　　《開市Ｇｏｏｄ　Ｍｏｒｎｉｎｇ》香江魚缸今日開枝「十字星」呈待變格局，再次為「六
絕月」命運帶來不確定性！今朝又係明明升到２００幾點，但好快升幅收窄，日內曾只升３３點
。最終收市升１７４點，收報１８１１２點，仍於萬八點關爭持，成交僅過千億銀。魚缸自高位
１９７０６點調整以來，逾七成日子都係高開低走嘅陰燭走勢，照咁睇大市後向仲係易陰跌難大
升格局？５月底跌穿頸綫後嘅反彈僅屬後抽、目前繼續尋底即下見１７２４０點？下周又有無條
件企穩萬八關？
　　至於今日（１３日）放榜嘅本地零售股周大福（０１９２９），外界關注其未來財政指引及
潛在特別股息派送。但績前集團受傳聞困擾，有指其深圳工廠已於６月初關閉；集團無直接否認
，只係諗將深圳工廠生產移至順德廠房，變相集團唔再重視本在深圳廠專責嘅研發工作？對其競
爭力會有咩影響？績前股價先跌為敬，係ｐｒｉｃｅ　ｉｎ緊負面因素定壓低收緊貨？金價前景
又點睇？
　　至於花旗國減息進度有起色，對領展（００８２３）又會有咩影響？股價短線回暖有望？本
地業務受壓，外闖嘅策略又做成點？選址有無優勢？日漸受影響嘅本地業務又可以點樣力保不失
？
　　聽日（１４日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　
Ｍａｒｋｅｔｓ投資總監溫鋼城，同大家分析上述股份、大市走勢，當然唔少得分析其他焦點股
份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ
直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＸｋｕＮＥｐ０２ａ９Ｙ　打個卡先又得
！