按盤價 
《魚缸博客》話說今日好多人講呢隻優必選（０９８８０），皆因昨日正式被納入恒生綜合
指數和恒生滬深港通大灣區綜合指數，並於今日起正式進入港股通證券名單，北水熱辣辣炒起，
噚日都係收９９﹒５，今日就已經變成紅底股，博客落筆個陣仲破緊頂高見１１９元。
優必選做乜產業？講起就架勢堂囉，ＣｙｂｅｒＰｕｎｋ個款－人形機械人。聽個名都覺得
Ｈｉｇｈ Ｔｅｃｈ，不過香港人有句名言就係：「Ｈｉｇｈ Ｔｅｃｈ揩野，Ｌｏｗ
Ｔｅｃｈ撈野」，咁Ｈｉｇｈ Ｔｅｃｈ會唔會出事呢？
正所謂三十年河東，三十年河西，而家全個世界最搵錢邊個唔係做緊Ｈｉｇｈ Ｔｅｃｈ揩
野？人形機械人都係遲早問題，例如幫人解決家務、解決寂寞、解決生活上一切困難，電影都做
唔少啦。
不過股價催化劑就係英偉達宣布將於３月１８日至２１日召開ＧＴＣ２０２４大會，據聞優
必選都會參展，佢有新機械人「Ｗａｌｋｅｒ Ｓ」，主要參與了門鎖質檢、車燈蓋板檢測、安
全帶檢測、貼車標等工作，即係汽車業務發展，都好正路啦。
所以股價上到紅底，都係港股入面少有可以夾得上嘅股份，博客覺得佢都上左１１０關口，
相信都企得穩百元位置，建議可以先撈一注，睇下北水會唔會加碼，升市莫估頂，股仔都一樣，
衝啊！
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》【怪獸家長必學】點樣幫仔女溫書不傷感情？培養上進心唔係靠鬧？子女一旦失控教你點應對！► 即睇
