按盤價 
《魚缸博客》最近留意到隻友寶在線（０２４２９），近期炒賣波幅都比較大，都幾值得拎
來探討下。
消息面上，友寶在線公布，已於２０２４年６月５日就建議實行Ｈ股全流通向中國證監會提
交備案申請，計劃將６５１１﹒３萬股內資股按一比一的基準轉換為Ｈ股，並尋求在聯交所上市
交易。
當然呢個未必係股價炒起原因，皆因全Ｈ股即係代表股東出貨容易左，股價炒上炒落更容易
；而且自６月１２日開始，已經開始見資金流入，所以短時間內可能會繼續炒作。
呢間公司主要做「無人零售」，即係類似行入間鋪透過人面識別進行結算。其實呢種鋪係中
國五六年前已經有，不過當時科技未成熟；但到今時今日人力成本咁高情況下，呢種行業有佢存
在需要。
安信國際此前發布研報稱，中國無人零售行業處在發展初期，未來行業發展空間大。友寶在
線作為中國最大的無人零售業務經營商，有著較大的規模優勢，技術優勢。２４年公司將會通過
加盟模式，實現快速擴張，是規模擴大與盈利改善的關鍵年。
股價走勢方面，目前似係行緊雙底，建議低過２０蚊都可以繼續吸納，如果突破３０蚊企穩
可以繼續要持有，但倒頭跌穿就建議先行食胡先啦。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【買1送1】維柏健9合1關節王牌► 了解詳情
