《魚缸博客》話說近期北水動作多多,近期好似睇中隻梅斯健康(02415)。
醫藥股近期好少話有太大動作,皆因資金都走去AI、晶片、科技股,不過呢隻股就幾有趣
。資料顯示佢主要業務係向中國提供醫師平台解決方案、精準全渠道營銷解決方案,以及真實世
界研究解決方案;不過公司近期最大新聞,相信係公司公布盈喜,預期截至去年12月31日止
年度溢利不少於5000萬元人民幣,而2022年度則虧損約8142萬元人民幣。
該集團指,扭虧為盈主因在醫療行業反腐下,醫生愈加注重職業發展,同時製藥與醫療器械
公司開始轉變現有營銷模式,令其業務規模擴大,該集團內部加強對人工智能的應用,使生產效
率得以提高,以及可轉換可贖回優先股的公允價值收益。
睇返公司市值大概20億左右,如果純以醫藥行業,有些少被低估情況,畢竟大市沉寂太耐
,難得公司有些少喜訊推出,所以北水就落力開始炒起,今日見最多買又係北水,最多沽又係北
水,所以成交量大增。
目前睇個圖表有小小突破頸線意味,而且北水熱炒股份好少話炒一日就炒完,所以現價
3﹒2都尚算特價時段,預計上5蚊都唔係無機會,但如果向下炒失守2﹒5就好放手啦!
《編者按》本欄搜羅即市傳聞,惟消息未經證實,《經濟通》亦不保證內容之準確性。
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情