《開市Good Morning》香江魚缸四連陰,日內最多跌過336點,低見
18532點,最終收跌259點,收報18608點,成交1267億銀。日線圖四枝大陰燭
,同上周嘅大陽燭組成「穿頭破腳」型態,由此推斷大市仲要跌返三兩周先有望真正喘定?好彩
月初至今整體仲升緊逾4巴仙,多得外資回流同阿爺打救。不過阿爺啲救市招數咁密集式咁出台
,提早谷高個市、下個月咪無晒利好囉?睇怕又要近來「六絕月」?至於下周期結加月結,又有
無望推得返個市上萬九結算?
除咗大市值得留意,仲要睇埋近期接連有企業宣布或放風會私有化。明明對投資者而言係惡
夢,但點解咁多間公司正在私有化前、股價都有得炒上?對企業而言,點解現市況咁適合私有化
?魚缸整體都有估值修復情況,預計下半年私有化嘅企業數目又會起咩變化?IMAX中國
(01970)上年都試過提私有化,可惜唔成事。預計IMAX中國捲土重來機會有幾大?
下周三(29日)放榜嘅領展單周蒸發近9巴仙,淨係聯儲局一份會議紀錄就嚇窒孖屐、定
係仲有其他原因?明明REITs納入港股通或令收益投資者興趣增加,不過花旗國一日未開始
減息,孖屐一日都未能對REITs恢復信心,連一眾大行都睇淡領展,比比又會點樣分析領展
前景?港人北上係最大致命傷?
下星期一(27日)《開市Good Morning》搵嚟凱基亞洲投資策略部主管溫傑
,同大家分析上述股份及大市走勢!歡迎大家提問投資及其他股票問題。記得準時8:55am
,昅實《經濟通》NewsTV直播節目--《開市Good Morning》喇!或者
click入嚟https:╱╱www﹒youtube﹒com╱watch?v=
L3Ok9pekG88打個卡先又得!
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇