《魚缸博客》為咗谷旅遊業,香港政府可謂不遺餘力,繼上周公布西安同青島加入自由行城
市行列之後,今日再有消息話,即將公布嘅新一份《財政預算案》,將有重點措施支援旅遊業發
展,包括計劃每月在維港舉行煙花同無人機表演,涉及數億元開支;而家每晚上演嘅「幻彩詠香
江」燈光音樂匯演亦將有大革新,並且考慮喺海濱加入飲食同埋零售設施,或需更改部分土地用
途。
消息一出,同自由行息息相關的股票卻表現迴異,有升有跌。莎莎(00178)繼上周出
現兩支大陽燭後,今日未能再接再厲,雖然逆市上升,但先高後低,盡顯疲態。同樣同自由行關
係密切嘅周大福(01929),股價不升反跌,對谷大自由行似乎唔識反應。或者因為周大福
在內地開咗好多分店,內地居民唔使來香港,一樣可以買到周大福嘅珠寶。
不過,珠寶呢樣野同普通商品唔同,可以親自來香港買嘅,啲人都寧願親自來買。筆者嘅朋
友就係一個例子,明明內地有周大福分店,但佢係唔買,專登等到來香港時先買,總覺得呢度啲
嘢最真最信得過。所以,即使周大福係內地分店眾多,好多人都寧願來香港買,所以香港門市嘅
客戶依然有一大部分係內地客。
珠寶唔同化妝品,如果要買香港珠寶,必須親自來。而唔似化妝品咁,可以透過水貨客買。
所以,擴大自由行理應利好周大福先啱,而家股價唔升反跌,反而買得過。(vs)
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票