好耐都未見過有公司派股份,對上次聽都係煤氣派紅股,不過呢次係美的置業(03990),集團公布,建議以實物形式向該公司股東分派房地產開發及銷售業務,擬將房開業務內部重組,由私人公司持有,按每股獲派一股私人公司股份,並將向選擇不接受私人公司股份的股東提供現金替代,每股支付5.9元,比上周五(21日)收報3.75元溢價約57.33%。
其實用常人去理解,美的置業呢一招其實係「壯士斷臂」,皆因內地房地產開發都係一潭死水,所以將本身房開業務,改歸不上市的「美的建業(英屬維京群島)有限公司」,令美的置業可以「輕裝」小小;難聽啲講句,假若第日做唔住,都係另外一間公司執,而牽涉唔到美的置業。
呢個時候,今日股價急升六成幾,仲有無得升真係好難講,不過現金派得$5.9,中午收市先升得兩個幾,肯定仲有水位。
不過接落來嘅問題係,究竟你想要獎金定獎品?如果你問我,係呢個時勢點係都要獎金著數好多,畢竟拎左堆股份都唔知有乜用,等佢派息?可能等到天荒地老囉。
《編者按》本欄搜羅即市傳聞,惟消息未經證實,《經濟通》亦不保證內容之準確性。
夏日中暑高風險!即睇中暑迷思+預防措施!► 立即了解