《魚缸博客》港股整體表現仍然偏弱，恒指今天裂口低開１１３點報１８０６９，其後跌幅
持續擴大，１８０００已非重要支持位。
美國聯儲局本周四（２１日）凌晨公布議息結果料成為市場焦點，但維持利率不變屬預期之
內，投資者宜注意當局會否調整聯邦基金利率目標範圍上限，若然維持不變，好可能預示美國加
息周期結束，對港股而言係其中一個有利因素，當然，最重要嘅仍然係內地有何政策推出去刺激
經濟增長。短期而言，恒指預料仍可守穩喺１８０００以上，惟料每反彈５００點都會遇到阻力
。
今日講隻初段企喺藍籌股升幅榜首嘅石藥（０１０９３），集團公布鹽酸伊立替康脂質體注
射液獲國家藥品監督管理局頒發藥品註冊批件。集團又話，該產品獲批同５－氟尿嘧啶和亞葉酸
聯合用於接受吉西他濱治療後進展嘅轉移性胰腺癌患者，獲批為其在抗腫瘤領域再添高端製劑產
品線。
９月初，國家藥品監督管理局批准集團嘅納魯索拜單抗注射液（ＪＭＴ１０３）新藥「津立
泰」上市申請，呢隻藥主要用於治療唔可手術切除，或手術切除可能導致嚴重功能障礙嘅骨巨細
胞瘤。骨巨細胞瘤係中國較常見嘅原發性骨腫瘤之一，佢生長活躍，對骨質侵蝕破壞性大，如果
冇得到及時妥善治療，可以造成嚴重殘廢而導致截肢，少數病例更可轉移且致命。
根據石藥截至今年６月３０日止嘅中期業績，成藥收入逾１２９億人仔，佔總收入
８０﹒４３％，神經系統藥物佔４５﹒５３億人仔或３５﹒３％；抗腫瘤藥物佔２９﹒８８億人
仔或２３﹒１６％，兩者加埋就佔咗５８﹒４６％，亦等於總收入超過４７％。上述藥物就屬於
抗腫瘤，即係第二大收入來源，新藥上市將扭轉抗腫瘤藥按年大減２６％嘅情況，同時進一步增
加收入。
石藥今朝曾高見６﹒１１銀，升幅達３﹒７％，而且仲破埋條５０天線（現時約為
５﹒９３），係２月初失守該線以嚟突破５０天線最強嘅一次，如果連續三日收高於該線，大致
可以確認股價已扭轉舊年１１月由１０銀開始下跌以嚟嘅跌浪，首個反彈目標係７銀，之後上望
８及１０銀，現價買入以收低於５﹒５銀止蝕。（ｐｃ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
想要獨家投資理財Tips？即Like etnet 全新Facebook專頁► 立即讚好
