《魚缸博客》今日港股跌二千幾點真係嚇死人咩！不過有一件事更加嚇死人，大約係今日早
上９點４１分左右，有人用１１７同１１７﹒１蚊，分別做兩手汽車街（０２４４３）成交
４００股同６００股，合共１１﹒７１萬；而本身股價之前幾手都係做緊１８－２１蚊左右。
即係話，個買家用貴十倍價錢買左汽車街１０００股？但係咪真係肥手指呢？博客再睇睇其
他成交數據，留意到係個五分鐘內，有人用７９﹒３５蚊買過８００股，有人用９９﹒８５蚊買
過４００股；而前前後後五分鐘成交股股價都係１０蚊到２０蚊左右。
咁就得意啦！起初我就以為係個別有人肥手指，但有人用貴幾倍價錢買入幾百股，應該唔係
個別事件咁簡單，而係有人想炒作下，想上下新聞？
咁認真講句，係出面落個廣告想多啲人認識，分分鐘都要使一百幾十萬，而家用２０萬左右
，就可以買個五十大升幅首位，博客覺得其實平到爛，最起碼股票谷谷友都會拎來討論下，多左
人知道呢股存在呢！
睇返資料，呢間公司主要係內地從事二手車收銷安排及提供服務，博客上佢官網睇，有好多
二手車「拍賣」資料，全國拍賣場都幾多下。後續係點可以繼續留意下，但博客認為，呢一單
１１７蚊買千股事件，唔會係單純肥手指咁簡單囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》從心理學角度看成癮：點解沉迷？點樣算上癮？一個關鍵指標！邊類人最難以自拔？► 即睇
