《魚缸博客》個市大上大落，真係刺激到暈，今日半日都接近２０００億成交，就算無北水
都大家落力炒，博客都係繼續佛系看市。不過有單新聞覺得幾有趣，可以分享下。
話說，港交所（００３８８）董事總經理兼行政總裁顧問楊秋梅繼承了已故丈夫２０％的商
湯 （０００２０）股份，因為佢老公湯曉鷗係去年１２月因不明疾病去世，而目前這些股份市
值１５億美元。
上網搵到，楊秋梅於２０００年加入中國證監會，出任中證監規劃發展委員會委員及國際部
副主任，離任前為中證監基金部副主任。２０１０年至１３年，楊秋梅加入港交所，擔任內地業
務發展主管和市場發展副主管。２０１３年至１８年轉至全球基金經理人的行業協會（ＩＣＩ
Ｇｌｏｂａｌ），出任亞太區首席執行官。２０２２年，楊秋梅２０２２年３月回巢港交所出任
集團行政總裁顧問及董事總經理。
目前呢種情況，博客係覺得有好大利益衝突，楊秋梅畢竟係港交所ＣＥＯ顧問，一係佢就清
晒批股份，一係佢就放棄呢份工。
假如曖曖昧昧、不了了之，隻股會唔會炒上去？唔排除有人利用呢個因素乘機向上炒，所以
博客覺得可以繼續留意。
其實商湯都係中美風浪口股份，不過如果講到ＡＩ技術，其實佢已經係國內首屈一指，特別
佢同手機公司同汽車公司都仲有合作；而且城市化、商業化技術都暫時未見到有對手，６００億
市值算高定算低？我只能話仲未發揮到最大價值。
特別而家中美一齊放水，科技股唔炒，等幾時？
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】東南亞藝術市場是下一個熱點？一探各地獨特及吸引之處！► 即睇
