《魚缸博客》上海發放５億元服務消費券，海倫司炒高又關事？

　　《魚缸博客》呢期餐飲或者消費股都積極炒起，剛剛見到隻海倫司（０９８６９）又炒高三
成，剛剛睇到有新聞話上海決定面向餐飲、住宿、電影、體育等四個領域發放「樂．上海」服務
消費券，投入市級財政資金５億元。
　　派消費券有幾多刺激性，香港都有做過，不過香港個隻似乎係叫「現金代用券」比較貼切；
上海呢款係點樣就未清楚，但餐飲部分就佔３﹒６億元，大家都引頸以待。
　　海倫司其實係一間國內出名嘅酒館品牌，全過加盟都應該超過５００間，不過呢幾年大陸成
日都講「降級消費」，要落ｂａｒ飲酒食雞翼對於平民百姓來講，可能留係屋企飲會開心好多。
　　內地券商國盛證券表示，公司堅定進行平台化戰略轉型，存量門店持續優化，合夥人門店快
速擴張，社區空間複合模型開始驗證，自身供應鏈能力較強，後續消費環境改善及新商業模式跑
通後有望支持業績快速釋放，下調海倫司「增持」評級。
　　簡單來講，海倫司有自己牌子，有自己酒水供應鏈，所以要賺盈利都比起其他酒館容易。睇
返佢幾年前上市都見過２０幾蚊，如今大概兩蚊左右，乘住今次內地央媽積極放水，咩股都炒起
一輪，呢種被嚴重低股股份，股價都會有重返向上能力，純粹係公司有表現，預計盈利下跌空間
有限；但同上海派消費券有無關？少少啦。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。