《魚缸博客》騰訊過兩日就出業績，早幾年仲記得大家「食住雞」等放榜，到今日（１３日
）大家都好似無咩聲氣咁，不過博客就覺得唔係無機會。
如果大家有留意呢個禮拜成交，雖然大市係比較靜，但大行定散戶都係到密密Ｔｒａｄｅ緊
隻企鵝，除左話手機遊戲一直都係佢食胡位，重有ＡＩ呢個風口，其實唔係無發圍。
睇睇遊戲方面，《王者榮耀》國際版ＨｏＫ、《地下城與勇士：起源》、《和平精英》、《
金鏟鏟之戰》、《穿越火線》呢幾隻都係騰訊係ＩＯＳ長期榜霸，公司呢期都積極做緊推廣，所
以令收入上升，綜合大行預測，騰訊首季非國際財務報告準則（Ｎｏｎ－ＧＡＡＰ）盈利料介乎
４５７﹒３８億至５２０﹒７７億元人民幣，按年升三成幾。有一種講法，就係當經濟下行，市
民降級消費，咁就情願多啲留係屋企唔外出，打機課金機會就會大增，唔知係咪真係有關係呢？
此外，據研調機構ＳｅｎｓｏｒＴｏｗｅｒ估計，騰訊第二季本地移動遊戲總銷售額按年升
１９％，增幅大於首季的６％之餘，同時跑贏行業季內僅１％的增長。
另一方面，ＡＩ呢一兩年積極變代，所以預計騰訊都會積極布局，例如雲業務、音樂業務，
或者微信方面都有可能就ＡＩ方面進一步升級，所以呢啲都會係股價提升嘅催化劑。
股價方面，上個禮拜開始已經由３５０蚊靜靜開始炒起，預計４００蚊會係第一道最大阻力
位，就算而家買入都有水位，無論買輪定買正股都係一個唔錯選擇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》從心理學角度看成癮：點解沉迷？點樣算上癮？一個關鍵指標！邊類人最難以自拔？► 即睇
