港股史上歷史第三名「超購王」布魯可(00325)今早掛牌上市，抽到就恭喜晒你啦！假如暗盤走或者今日100蚊以上先走，每手都起碼執皮幾，幾耐未見過呢個光景。
不過，布魯可今日最高見過109.9銀之後，似乎後勁不濟，之後升幅一度收窄，最低見過86.5，半日收市企穩90蚊，雖然係高過招股價，但站不住100蚊關口的確小小失望。
博客其實都睇好呢類相關股份，因為IP產品基本上係本少利大行業，你睇POP MART個隻「LABUBU」而家周圍都係，幾多夾公仔機都係類似獎品，仲紅到去東南亞；所以布魯可咁多人抽，係因為泡泡瑪特珠玉在前。
咁布魯可幾時可以入手呢？博客預計呢兩日仲會有小小調整，畢竟價格穩定期未過，你想有好多炒作都難難地，博客認為有機會落到70蚊甚至60蚊招股價都唔出奇，所以建議繼續觀望多一陣；呢隻股雖然每手入場費都幾高下，對於炒上落係有小小障礙，但由於炒IP概念係近期熱門，所以預計風潮未過，可以繼續留意！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇？】長和將全球43個港口出售，你是否擔心事件引發漣漪效應，影響本港企業在全球的業務？► 立即投票
41,383.64
