辦公室「天文台」今日先後收集到兩股風暴消息︰

　　老闆投訴︰「搞錯！今朝見到班同事講得興高采烈，我諗住去湊下熱鬧，點知佢地竟然見鬼咁走都走唔切。我呢個老細形象真係咁差？」

　　同事找包大人伸冤︰「嚇死人咩，玩玩下閃出嚟！好彩散得快咋……如果唔係又話我地掛住玩唔做嘢。你都唔好話唔險！」

　　根據以上風暴「數據」，辦公室天文台台長得出三個結論︰

　　1、老闆有時都想玩，與員工打成一片

　　2、員工未必討厭老闆，更多時候是擔心被捉「唔做嘢」

　　3、老闆與打工仔之間，「r（搲）話題」是絕對必要的

　　緊急搲話題的場面無日無之，如今朝的個案就發生在平常的辦公室環境內。而愈平常就愈疏於防備，「敵軍」自然愈容易攻其不備。各種「平常」場景包括︰

　　- 大堂等「車立」中

　　- 洗手間梳妝時

　　- 茶水間八卦

　　- 堅守崗位時閒聊，遇上老闆「行beat」巡至

　　- 商務午餐、公司周年晚會等

　　由此可見，身處辦公室，無論老闆還是打工仔，都處於全天候搲話題狀態。尤其是打工仔，聊得興高采烈，老闆釋出善意表示「希望參與」，打工仔千萬別即時「散水」，否則就表現得很「此地無銀」。建議將話題像紙巾、潤唇膏或白花油般，「袋」定幾個落袋，有備無患。

「包無死」話題：

　　1、天氣︰「最近天氣潮濕，啲衫成日都唔乾，係時候瘋狂shopping。」

　　2、公事︰「已經聯絡Peter，反應好正面，一有消息會報告。」

　　3、飲食行情︰「最近xxx酒店推出海鮮自助餐，有機會一定要去試。」

　　4、假日活動︰「前兩日放假去咗邊度玩？」

原文刊載於ctgoodjobs.hk