按盤價 
《小傳日記》炒咗ＡＩ一輪，到近期終於輪到無人駕駛概念翻兜，實際上技術一路都提升緊
，不過睇吓幾時被孖屐瞅到，咁啱呢期無材料就輪到無人駕駛概念。
近期神州政策上都開始偏向注意自動駕駛，先係北京市政府喺上月底發布徵求意見稿推進
Ｌ３級以上自動駕駛汽車用於市內公共交通用途，再到今日有消息提到上海發改委都要求推進自
動駕駛應用，開展智能交通應用，有序開放新城智能網聯汽車應用等等。多地政策逐漸浮面，令
孖屐都意識到係時候跟一跟呢個風。
北京同上海嘅政策消息都提到要推進Ｌ３級或以上自動駕駛應用，「Ｌ３級」實際上係國際
汽車工程師學會（ＳＡＥ）為自動駕駛先進程度劃分嘅級別，由「Ｌ０」至「Ｌ５」。「Ｌ０」
係無自動，全人手控制；「Ｌ１」稱為「輔助駕駛」，主要都係由司機駕駛，但會加入個別智能
系統輔助；「Ｌ２」稱為「部分自動駕駛」，司機可以開始放開舵盤，靠主動式巡航定速等等作
自動駕駛，但司機都要監察路面情況；「Ｌ３」係「條件自動駕駛」，車輛可以做埋路面監察，
但遇到狀況時系統執行預設指令前都會先經司機應答批准；「Ｌ４」係「高度自動駕駛」，除咗
個別惡劣環境同天氣，否則司機可以完全唔使同系統交流都可以自動駕駛；最後「Ｌ５」就係任
何情況都由系統百分百操作嘅「完全自動駕駛」。
目前北京同上海先後發布推進Ｌ３級應用，意味國產自動駕駛技術喺Ｌ３級別已經完全掌握
，阿爺先會放心喺一線城市落實。所以大有可能目前Ｌ４級都已經八八九九，只係睇在坊間對於
自動駕駛嘅信任程度，未來幾年內進一步推進Ｌ４應用應該唔難。
不過直到Ｌ４級，自動駕駛技術都未能夠完全掌控所有複雜環境，仍然要靠人類喺特別環境
之中控制。呢一點就難，始終唔同城市嘅路都大大唔同，橫街窄巷猶如迷宮，好似香港如果要出
現第一架喺路面行走嘅自動駕駛車一定仲有排，最起碼一批揸車搵食嘅一定會百般反對先，請請
！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
夏日中暑高風險！即睇中暑迷思＋預防措施！► 立即了解
