《開市Ｇｏｏｄ　Ｍｏｒｎｉｎｇ》熊麗萍前瞻內地數據、騰訊業績

　　《開市Ｇｏｏｄ　Ｍｏｒｎｉｎｇ》香江魚缸今日仍維持窄幅上落，日內波幅僅得１７８點
，最終收市升６２點，維持於１７１００點水平爭持，成交續於７００億元水平嘅半年低位浮沉
。連同今日升市，魚缸已連升五日。呢兩日係科企放榜高峰，孖屐對佢哋業績有期望，
Ｃｏｎｉｔａ又認為靠業績帶動大市作用有幾大？孖屐觀望情緒濃厚，除咗等業績，仲等緊神州
即將公布嘅三頭馬車數據，以及花旗國嘅通脹數據。仲有另一因素不可忽視，就係上周一引起環
球市場大跌市嘅「日圓拆倉」。日Ｙｅｎ近日貶返去１４７，若短期於１４０至１５０間上落未
脫離此區域，或預示日圓套息交易仍未回歸？至於聽日出爐嘅神州７月三頭馬車數據，對下半年
而言有重要參考作用，Ｃｏｎｉｔａ又對下半年首份三頭馬車數據有無咩期望？
　　騰訊（００７００）聽日（周三）收市後公布中期業績，眾大行均料可符合預期，但未必有
太大驚喜。集團喺５月底推出嘅新遊戲《地下城與勇士》日均流水逾１億元人仔，對騰訊上季業
績有無幫助？有望成為業務增長的轉折點嗎？騰訊回購力度比Ｐｒｏｓｕｓ沽貨力度大逾１﹒５
倍，抵銷南非大股東減持嘅影響；但要靠回購推動股價重回４００元並非短期內嘅事？績前又可
如何部署？
　　聽日（１４日）《開市Ｇｏｏｄ　Ｍｏｒｎｉｎｇ》搵請來資深財經分析師熊麗萍，同大家
分析上述股份、大市走勢，以及即日日焦點股！歡迎大家提問投資及其他股票問題。記得準時
８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》
喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？
ｖ＝４Ｇｍｋｒｚｎ－ｗＳｗ個卡先又得！