按盤價 
《魚缸博客》恒指連升兩日後出現回調，上星期五（１５日）曾經升穿過２０天線（現約
１６８７２），但收唔到上去，但全星期計就升咗３０９點，但今朝就跌番百幾點。
炒股要有聯想力，要諗吓全球發生緊嘅事同咩行業相關，例如２０２０年爆發新冠疫情，各
國採取鎖國封城措施，員工在家工作，或部分染疫員工需要隔離。製造業嘅影響生產，海陸空運
輸業嘅就令付運延誤，同埋延遲卸貨，所以見到航運股股價喺過去兩年大升。
今日睇到段新聞話，埃及蘇伊士運河管理局話，佢地正密切關注紅海嘅緊張局勢，以及對運
河通行嘅任何影響。該公司主席奧薩馬拉比喺星期日嘅一份聲明中表示，自１１月１９日以來，
已有５５艘船隻改道繞過好望角，選擇歐洲和亞洲之間的航線，而唔係蘇伊士運河。雖然奧薩馬
話，相對於同一時期穿越埃及水道嘅２１２８艘船，數目只係佔一小部分。近期，胡塞武裝分子
喺也門海岸附近襲擊商船嘅事件逐漸升級，呢個係因為伊朗支持嘅組織為咗回應加沙地帶嘅戰爭
，表示將攻擊仍認為同以色列有關嘅船隻。
講到咁，今日梗係講航運股啦！今朝啲航運股表現強勁，海豐國際（０１３０８）最多升近
１３％，報１３﹒３２銀；太平洋航運（０２３４３）升超過６％，高見２﹒６４銀；東方海外
（００３１６）最多升近３﹒３％，報１０７銀。中遠海控（０１９１９）升６％，高見
７﹒６２銀；中遠海能（０１１３８）更曾升超過１４％，高見７﹒８５銀。由於蘇伊士運河係
亞洲去歐洲同北美地區嘅主要航道，一旦受阻，船隻就要「兜底」經好望角去，航運成本自然增
加，船公司當然會加價。以巴嘅影響係咪好似新冠疫情咁嚴重就唔知，但市場會炒家先！
東方海外超過７００億銀，係航運股之中市值最大，技術上，上星期五大成交之下急升
８﹒８５銀或１０﹒６７％，今朝再升超過３％，高見１０７銀，破晒主要平均線，後市絕對有
條條挑戰１３０銀嘅大雙頂，建議分三注，先喺１０５同１０４銀落兩注，第三注睇吓有冇機會
喺１００銀買啦，目標１１５同１２９銀。（ｐｃ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
