按盤價 
《魚缸博客》恒指早段窄幅上落，上下幅度不過幾十點，悶到有啲恰眼瞓。本來見到個市弱
弱哋，加上Ａ股亦下跌１％，都擔心今日港股會難逃一跌。點知十點幾鐘個市突然大幅抽升，升
幅兩百幾點，當堂醒曬！
對於呢種忽然大上大落嘅情況，相信一眾股民都已經慣曬。皆因港股受到中美政策影響日益
嚴重。一時降準，一時制裁邊間企業的傳言，都隨時搞到股市天翻地覆。
早幾日受到美國制裁傳言影響嘅藥明系，自消息傳出後，股價全線下挫，並且連跌四日，今
日股價總算有所回升。美國的制裁影響有多深暫時不知道，但股價已經跌定先。當中，藥明合聯
（０２２６８）更跌至自去年底上市以來嘅新低。藥明合聯今日發盈喜，預期該集團截至
２０２３年１２月３１日止年度銷售收入增長超過１００％，淨利潤增長超過８０％，及經調整
淨利潤增長超過１００％。
有咁硬淨嘅業績做後盾，就算一早買咗都唔使太擔心，而家風頭火勢，受無妄之災在所難免
，但耐咗就免疫。就好似幾年前，美國對中國產品加徵關稅的情況一樣，最終，並無打擊中國產
品嘅出口。同樣道理，藥物嘅產品只要有療效，也不必擔心受制裁。有人話，你可以同任何人鬥
，都唔可以同自己條命鬥。藥物事關人命，只要隻藥「掂」，根本唔憂無人買。相關股份短時間
或繼續受到制裁困擾，但長遠睇，根本唔使太擔心。（ｖｓ）
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】港隊參加奧運氣勢如虹，你認為港隊可獲多少獎牌？會點支持港隊運動員？► 立即投票
