RSS訂閱 業績期又到，今日輪到百度（09888）公布業績，其實表現不過不失，但係大行定散戶都唔賣帳，一於沽到底咁款，所以今日曾經跌近一成。
博客曾經都試過用百度雲下載，老老實實，又要登入又要掃碼又要哩又路，基本上見到有人用百度雲上載File，我都會問：「有無第二條link，唔想搞咁多嘢。」
老實講，比起其他「雲」，博客個使用體驗都幾差下，唔知其他人係咪都有一樣感覺；百度聯合創始人兼首席執行官李彥宏在業績報告中表示，百度核心第三季度營收按年持平，反映在線營銷業務持續疲弱，但被智能雲業務的增長所抵銷，但面臨短期壓力。
百度雲真正搵錢，或者未必係面向大眾做「移動硬盤」；百度行個條路應該係想雲算力＋AI結合。確實，係內地AI運算方面，文心系列確實已經佔領市場，未來發展空間好大，所以未來百度核心增長能力應該係靠佢食胡；而自動駕駛服務蘿蔔快跑未來都更加依賴雲計算，所以而家「陣痛」係為未來發展準備。
不過而家買入又係咪好時機呢？博客覺得可以繼續觀望下，因為百度確實而家行前好多步，大部分都係摸著石頭過河，呢段「陣痛期」，投資者可以睇下其他選擇，等佢確實有眉目先再入手未遲囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】美國總統拜登卸任前宣布特赦兒子亨特拜登，你認為美國民主及法治制度是否已經受損？► 立即投票
