《魚缸博客》美國減息中國降準，大水灌入股市買乜好？

　　早幾排美國先講完減息半厘，今日又到中國話降準，市場久旱逢甘露，真係買乜升乜，第一口水灌入市場，你話買乜好？
　　博客今日留意到，隻高鑫零售(06808)好似有唔錯表現，最主要係因為公司近期同店銷售於4至8月期間轉為正增長，股價走勢稍微波動，亦見有資金買入。
　　不過今日股價抽上，最主要係有大行發表研究報告，麥格理發表研究報告指，由於同店銷售增長已經穩定，加上管理層的目標是控制成本，因此該行預計，集團將於2025年上半年扭虧為盈至1.99億元人民幣，而2024年同期則錄虧損3.59億元人民幣；該行將集團目標價由1.5元調升至1.83元，評級由「中性」升至「買入」。
　　其實大水入市，仲有好多好野買，不過博客覺得，高鑫零售目前股價仲係谷底預備反彈，一間咁大零售企業，得百幾億市值，完全明顯地低估，如果真係要炒起，應該都有排炒。
　　第一關明顯阻力位會係1.8左右附近，博客覺得要突破未必太難；關鍵係3.7元附近，距離而家股價仲有成倍，呢段距離先係真正挑戰，不過目前公司如果收入做好，應該會有幾多基金追入，可以一戰！

《編者按》本欄搜羅即市傳聞，惟消息未經證實，《經濟通》亦不保證內容之準確性。