《魚缸博客》意馬幾日累升逾９倍且嚴重超買，呢啲位追唔過？

　　《魚缸博客》本地魚缸今日低開低走，執筆時恒指跌逾１００點，睇住隻融創中國
（０１９１８）短時間內抽上３﹒２３銀，迅即車落２﹒４銀水平，再次提醒投資者參與時留意
風險。博客今日想講下隻意馬國際（００５８５）。
　　意馬國際早前公布，截至今年６月３０日止中期純利約４０６萬銀，按年倒退７５﹒６％，
每股盈利０﹒４８仙，不派中期股息。期內，收入３２９０萬銀，跌１７％，但行政開支升至
１８２４萬銀，且應收保證金貸款減值撥備增至４１４萬銀。
　　意馬國際主要從事電腦造像、文化及娛樂事務、投資業務及綜合金融服務業務。派發中期業
績當日，即８月２９日，意馬已見炒上，當日收報０﹒４７５銀，及後更連升五日，日線圖出現
五支大陽燭，今日一度高見３﹒５６銀，相較抽升前（８月２５日收市價０﹒３５５銀），７個
交易日累漲逾９倍，９ＲＳＩ曾高見９８﹒６１。
　　我唔敢講意馬股價唔會再升，只係喺而家呢啲位，短期累升近１０倍，而且嚴重超買，若果
呢啲位仲追入，係咪要有心理準備，股價隨時急瀉？當然，我唔想阻人發達，但係，即使係投機
，都要有個譜。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。